Хамгийн өндөр хүлээлттэй байсан цувралуудын нэг болох "Alice in Borderland" өнөөдрөөс эхлэн цацагдана. “Imawa no Kuni no Alice” манганаас сэдэвлэгдсэн тус цуврал сүүлийн жилүүдэд гарсан хамгийн сонирхолтой, амьд үлдэхийн төлөөх тэмцэл бүхий бүтээл байсан билээ.  Эхний бүлэг нийт найман ангитай бөгөөд нэг анги 40-50 минут үргэлжилдэг. Хоёрдугаар бүлэг эхний бүлгийн адилаар найман ангитай байна. Эхний бүлгийн төгсгөлөөс эхлэн үйл явдал үргэлжлэх бөгөөд одоо гол дүрүүд маань үлдээд буй 12 хөзрийн даалгавруудыг биелүүлэх болно. Мөн тоглоомыг бүтээгч гэх Мирагийн шинэхэн дүр орж ирэх гэнэ.