Бидний тархины аливаа зүйлийг уншиж, тайлбарлах арга нь үнэхээр гайхамшигтай. Судлаачдын тогтоосноор тархи 13 миллисекундын дотор нүдээр харж буй зүйлээ тайлбарлаж, мэдээлэл өгөх чадвартай байдаг аж. Гэвч хүн бүрийн тархи өөр өөр замаар аливааг ойлгож, хүлээж авдаг байна. Ялангуяа асар богино хугацаанд, далд ухамсрын тусламжтайгаар сонголт хийх тохиолдолд, тэрхүү сонголт нь тухайн хүний онцлог, сэтгэл зүй, зан араншинг тодорхойлдог аж. Тиймээс доорх сонжоо танд магадгүй өөрөө ч мэдээгүй байсан зан чанарыг тань нээхэд туслах болно. 

Та доорх зурган дээрээс харсан хамгийн эхний үсгээ тэмдэглэж аваад, үр дүнг нь хараарай.

1. А үсэг

Хэрвээ таны хамгийн түрүүнд харсан үсэг А бол, та ойлгоход маш хялбар хүн. Та дүр эсгэх дургүй бөгөөд шулуун шударга зантай. Эргэн тойрныхон тань ч таныг маш үнэнч, шударга гэж үнэлдэг.

Мөн та аль болох чадахаараа хүмүүст туслахыг хичээж, бусдад хамгийн сайн сайхан талаа харуулахыг хүсдэг. Учир нь бусдад тусалж, тэдэнтэй найрсаг харилцаатай байснаар та урам зориг авдаг. Тиймдээ ч та бусдаас урвахыг хүсдэггүй ба харин хэн нэгэн танаас урвах юм бол түүнийг шуудхан амьдралаасаа арчиж хаядаг. Та сайхан амьдралыг хүлээж суудаггүй харин сайхан ирээдүйгээ өөрийн гараар бүтээдэг.

2. О үсэг

Та бол асуудал шийдвэрлэгч. Та аливаа асуудлыг урган гарахаас нь өмнө тооцоолох мэдрэмжтэйн дээр, түүнийг үр дүнтэй шийдвэрлэх чадвартай. Энэ чанар тань эргэн тойрныхоо хүмүүсийн хүндлэлийг хүлээдэг бөгөөд та ч өөрөөрөө бахархдаг.

Та үргэлж бүх зүйлсийн тэргүүнд явдаг. Мөн та маш эерэг бодолтой хүн ч гэлээ, ирээдүйд юу тохиолдохыг сайтар бодож, нарийн төлөвлөдөг. Тэрхүү төлөвлөгөө тань ч биеллээ олдог ба энэ нь сэтгэл хөдлөлөөр биш, харин нөхцөл байдлыг маш бодитоор бодож, төсөөлж, төлөвлөж чадсаны үр дүн байдаг.

3. R үсэг

Та төгс төгөлдөрийг эрхэмлэгч ба маш няхуур нэгэн. Тиймдээ ч аливаа зүйлийг нарийн төлөвлөж хийдэг ба ингэснээр өөгүй, төгс хийж чадна гэдэгт итгэдэг. Харин нарийн тооцоолоогүй хийсэн тохиолдолд аливаа зүйл бүрэн бус, алдаа дутагдалтай болно хэмээн эмээдэг.

Тиймдээ ч та бүх зүйлд сэтгэлээсээ хандаж, хамгийн сайнаараа хийдэг бөгөөд үүний төлөө нойроо хугаслах нь энүүхэнд. Тиймээс хичнээн их цаг орох байсан ч бүх зүйлийг төлөвлөж, зохион байгуулалттай хийдэг ба энэ нь таны амьдралын нэг дүрэм болсон байдаг.

4. S үсэг

Та бол тайван хүн. Тиймдээ ч аль болох зөрчилдөөн, маргаанаас зайлсхийдэг. Хэрвээ маргаан үүссэн тохиолдолд та тухайн нөхцөлд татагдан орохоос илүү чимээгүй суухыг эрхэмлэдэг. Энэ нь заримдаа таныг сул дорой мэт харагдуулдаг ч, үнэн хэрэгтээ таны биеэ хянаж, тайван байх чадвар нь жинхэнэ хүч чадал тань юм.

Энэ нь таны маш ухаалаг чанар ба бусдын хүндлэлийг амархан хүртэх шалтгаан юм. Учир нь та сэтгэл санааны тань амар тайван байдалд хөндлөнгөөс нөлөөлөхийг хэнд ч зөвшөөрдөггүй.

Үүний дээр та өөрийн мэдрэмжээ гаргаж илэрхийлэхээс илүү, үргэлж дотроо нууж, түүндээ анализ хийж байдаг. Энэ нь таны мэдрэмж, сэтгэл хөдлөл бол хянах ёстой асуудал болохоос эргэн тойрондоо “цацах” ёсгүй гэж үздэгтэй холбоотой.

5. Т үсэг

Та бол төрөлхийн манлайлагч хүн. Та бусдыг хянах замаар сахилга баттай байлгах дуртай. Мөн маш эерэг хандлагатай бөгөөд найз нөхөд тань ч таныг ухаалаг хэмээн хүндэлдэг. Учир нь та өөрөө эерэг зүйлсээр цэнэглэгдэж байдаг тул эргэн тойрныхноо ч мөн тийм байлгахыг хүсдэг.

Мөн үргэлж толгойд тань ар араасаа орж ирдэг шинэ төсөл, санаануудаар бялхаж байдаг. Та амьдралдаа тохиолдох бүхий л зүйлсийг хяналтандаа байлгахыг хүсдэг ба энэ нь аливаа зүйлсийг нарийн зохион байгуулахад хүргэдэг. Гэвч заримдаа саад бэрхшээлтэй тулгарах үедээ урам хугардаг.

6. E үсэг

Та маш бүтээлч хүн. Тиймдээ ч маш их төсөөлөлд автдаг ба заримдаа өөрийн тэр олон санааг дагахад хүндрэлтэй байдаг. Мөн бүх зүйлийг тултал мэдэрч, хүлээж авах дуртай бөгөөд энэ нь таныг сэтгэл хөдлөл ихтэй болгодог. Тиймдээ ч та өөрийнхөөрөө аз жаргалтай байхыг эрхэмлэж, энэ нь амьдралаа хамгийн сайхнаар өнгөрүүлэх арга зам гэж бат итгэдэг.

Та уран санаа, бүтээлч байдлаараа дамжуулан өөрийгөө илэрхийлэх дуртай. Энэ нь таны урлагийн бүтээл туурвидаг нэг шалтгаан юм. Мөн түүгээрээ дамжуулан эргэн тойрны сөрөг сэтгэл хөдлөлтэй хүмүүсийг өөрийн өөдрөг, эерэг хандлагад татан оруулдаг. Тиймээс та бол бусдад сайн сайхныг түгээгч юм.