Facebook компани үндсэн платформоосоо гадна нь Instagram, WhatsApp зэрэг сүлжээг эзэмшдэг тул толгой компанийг төлөөлөх шинэ лого гаргажээ. Шинэ лого нь  Facebook-ийн хөх, WhatsApp-ийн ногоон, Instagram-ийн ягаан өнгийг илтгэсэн хөдөлгөөнт GIF хэлбэртэй аж.

Шинэ тэмдэгтийг ирэх долоо хоногоос Facebook-ийн бүтээгдэхүүн, сурталчилгааны материалуудад ашиглахаар төлөвлөж байна.Үүсгэн байгуулагдсанаасаа хойш 15 жилийн дараа Facebook нь эх брэндийн хувьд илүү өргөн цар хүрээтэй болж, өөрсдөө бий болгосон нийгмийн сүлжээнээс ялгах шаардлагатай гэж үзсэн бололтой.