Коронавирусийн цар тахлын улмаас дэлхий даяар хүмүүсийн амьдралын хэв маяг өөрчлөгдөж, компаниуд үүнд нь зохицуулан бүтээгдэхүүнүүдээ шинэчилж байна.

Тус компанийн гаргасан мэдэгдэлд “Жижиг бизнесүүд, контент бүтээгчдийг дэмжих үүднээс бид хуудсуудаар лайв бичлэг хийхдээ үзэгчээс төлбөр авдаг боломжийг нэмэхээр төлөвлөж байна. Үүнд онлайн концерт, тоглолтуудаас эхлээд хичээл, хурал зөвлөгөөн зэрэг бүх үйл явдлын видео стрим байх боломжтой” гэжээ. Энэхүү боломж хэзээ нээгдэх талаар тодорхой хугацаа хэлээгүй ч “сарын дотор хэрэгжинэ” гэв. 

Үүнээс гадна Фэйсбүүк компани “Event” буюу арга хэмжээ үүсгэж байгаа хүмүүст “online only” гэсэн төрлийг сонгох боломж нэмж байгаа гэнэ. Цар тахлын улмаас олон хүн нэг дор цугларах боломжгүй болж байгаатай холбоотой зөвхөн онлайн орчинд зохион байгуулагдах арга хэмжээг үүгээр зарладаг болох юм байна.

iSee.mn