“Honda Motor” компани бүрэн цахилгаан “Prologue” загвар, SUV ангиллын “Acura” загварын цахилгаан хувилбарыг 2024 онд худалдаанд гаргана гэж мэдээллээ.

Өнгөрсөн оноос эхлэн тус компани цахилгаан автомашины үйлдвэрлэлийн чиглэлд “General Motors”-той хамтран ажиллаж байгаа юм. Энэ хүрээнд шинэ загварууд “General Motors”-ийн “Ultium” цэнэг хураагуурыг ашиглах юм байна. “Honda Motor” компани 2040 он гэхэд бензин хөдөлгүүртэй автомашины үйлдвэрлэлийг зогсооно гэж төлөвлөөд байгаа аж.

АНУ-ын Ерөнхийлөгч Жо Байден цахилгаан автомашины дэд бүтцийг сайжруулах, цэнэглэх станцууд байгуулах 174 тэрбум ам.долларын төлөвлөгөөгөө танилцуулсан юм. Энэ нь “Honda Motor”-ийн цахилгаан автомашины чиглэлд үйл ажиллагаагаа эрчимжүүлэхэд түлхэц болсон гэж үзэж байна.

Bloomberg Tv