Xaxa.mn

Хоолойн өвчнийг анагаах эмгүй эмчилгээний арга

Хоолой насан туршид өвтгөхгүй баялгая гэвэл нялх балчираас нь хөлийг байнга дааруулж гар нүүр мэт орчинд дасга. Хэрэв та ингэж зундаа хөл нүцгэн өвөлдөө бакиалтай өссөн бол бөөрний болон хоолойны ямар нэг өвчин тусахгүй байх болно.
Тасалгааны дулаантай нойтон алчуураар хоолой, цээж, гар хүрэх газараа өглөө бүр арчиж хэвшвэл ханиад, хоолой өвдөх өвчинд өртөхгүй ээ.
Хоолойны өвчин нэгэнт хүрсэн бол ангинтай хүний амнаас хоол идэхгүй байх, намар бах мэлхийг барьж байгаад амаа ангайж байгаад урдаас нь сайн амьсгалах, яргуй, цахилдагны цэнхэр цэцэг түүж өдөрт гурван ширхэгээр гурав хоног идэх сайн гэдэг.
Хоолой нь өвдөж үзээгүй хүн гэж байхгуй. Энэ өвчний албан ёсны нэр томъёо нь хоолойн бах буюу ангин юм. Хүмүүс энэ өвчний хор уршгийг сайн мэддэгүй болоод тэр үү, тэрбүр тууштай эмчилдэггүй. Тэгтэл энэ өвчин хүндэрхээрээ зүрх, бөөр, үе мөчиндөө орж хүндээр өвчлүүлдэг.
Хоолойн өвчнийг хурдан эмчлэх хэрэгтэй
Хоолойн өвчнийг удаалгүй аль болох түргэн эмчлэх хэрэгтэй. Хоолой сэрвэгнэж, юм залгихад хөндүүрлэж бага зэрэг улайсан байх нь хоолой өвдөх анхны шинж тэмдэг юм. Эдгээр шинжүүд илрэх л юм бол тэр даруй арга хэмжээ авч эхлэх шаардлагатай. Хөөрүүлсэн халуун сүү хоолойг цочроодог учраас ийм үедээ ууж хэрэггүй. Хоолой хөндүүрлээд байвал өдрийн турш 2-3 ширхэг каланхоэны (тасалгааны ургамал) навч удаан зажилж ид. Энэ ургамал бараг айл бүрд бий.

Хоолойгоо давстай усаар зайл
1 стакан халуун бүлээн усанд 1 хоолны халбагаар овоолон давс хийж уусгаад хоолойгоо зайлна. 3-4 удаа зайлсны дараа хоолойн өвчин бага дээрээ хүндрэлгүй дарагддаг. Марганцыг усанд өтгөн биш найруулаад өдөрт 2-3 удаа хоолойгоо зайлж болно.

Хоолойн өвчнийг анагаах шилмэл арга
1 литр үхрийн сүүнд 25-30 гр гацуурын мөчир хийж 15 минут чанана. Хэсэг хугацааны дараа сүүгээ шүүж өдрийн турш бүлээсгэж ууна. Мөчрийн оронд болж гүйцээгүй хялх ногоон боргоцойг хэрэглэж болно. Гэхдээ боргоцойг хагас цаг чанана. Энэ сайхан амттай сүүг ууснаар та ханиад томууг ч эмчилнэ, тамир тэнхээ ч орно. Эртний оточ нар хоолой өвдсөн үед шөнө унтахдаа хоолой дээрээ зөгийн бал түрхсэн байцааны навч тавьж унтахыг зөвлөдөг байсан. Байцаан дээрээ пергамент цаас (нэвтрүүлэхгүйн тулд) тавиад гадуур нь ороолтоор орооно. Зөгийн балаа бүрэн хаттал боолтоо авахгуй. Энэ арга өвчнийг нам дарна. Харин энэ зөвхөн ангинд төдийгүй хоолойны бусад өвчинд ч сайн. Саванд 1 стакан ус, тал стакан оросоор “анис” гэж ургамлын үр хийж зөөлөн гал дээр 15 минут чанана. Шүүсний дараа энэ ханд дээрээ 1 цайны халбага зөгийн бал 1 хоолны халбага коньяк хийнэ. Тэгээд энэ бэлдмэлийг бүлээсгээд өдрийн турш ууж дуусгана.

Зөвхөн насанд хүрэгсдэд
Хоолойн бахыг цэвэршүүлсэн керосиноор эмчлэх нэг ийм арга бий. Цэвэршүүлсэн керосиныг зузаан хөвөнгөөр шүүнэ. Тэгээд өвчтөнийг хоолойн мах нь нарны гэрэлд сайн харагдахаар нар руу харуулж зогсооно. Тэгээд модны үзүүрт хөвөн ороож керосиндоо дүрж базаад хэлийг нь халбагаар дарж байгаад керосиныг хоолойн маханд нь түрхэнэ. Ингэсний дараа шүлсээ залгиж болохгуй. Шууд нулимж хаяна. Тэгэхдээ амаа зайлж хэрэггүй. Цаг болсны дараа 1 цайны халбага ургамлын тос уулгана. Ерөнхийдөө 2 удаа ийм эмчилгээ хийсэн байхад хоолойн бах өвчин эдгэрдэг. Харин хоолой идээлчихсэн байхад энэ арга тохирохгуй.

Төмс чанасан усны уураар утах
Чанасан төмсний ууранд хоолойгоо утах аргыг олон хүн мэднэ. Бага шг усанд жижиг төмс хальстай нь чанаад шөлөнд нь 2 ширхэг валидол хийнэ. Дээгүүрээ зузаан алчуур бүтээгээд ууранд нь хоолойгоо утна. Хоолойн ангиныг бөөрөнхий сонгины шүүсээр эмчилж болно. Гэхдээ эдгээр жорууд зүрхний цусан хангамжын дутагдалтай, зүрхний хэм алдагддаг, ходоодны шархтай хүмү.үст тохирохгуй. Мөн уушгины агшил хүчтэй явагддаг өвчтэй хүмүүс түүхий сонгино хэрэглэж болдоггүй.
Хүн хэт даарах, хэт халах, агаарын бохирдол, тоосжилт, дархлаа сулрах, гүйлсэн булчирхайн механик гэмтэл зэрэг нь гүйлсэн булчирхайн үрэвсэл үүсэхэд нөлөөлдөг хүчин зүйлүүд юм.

Архи ууж, тамхи их татсанаар нь өвчнийг улам даамжруулж байдаг. Мөн ханиах, найтаах үед эрүүл хүнд халдварлахаас гадна хүний эдэлж хэрэглэж буй ахуйн хэрэглээний зүйлс болох цагаан хэрэглэл, алчуур, аяга таваг гээд бүхийл зүйлд бактер нь үлдсэн байдаг.
Тэгвэл эм хэрэглэхгүйгээр ангина буюу гүйлсэн булчирхайн үрэвсэлтэй тэмцэх арга бол зөгийн бал, хүрэн манжингийн шүүс, уксусын уусмалаар хоолойгоо зайлах юм. Энэ арга нь байгалийн хүчтэй антибиотикт тооцогддог.
Орц:
-1 амны халбага зөгийн бал
-1 амны халбага хүрэн манжингийн шинэхэн шахаж гаргасан шүүс
-1 цайны халбага 6%-ийн уксус

Эдгээр орцуудаа 1 аяга буцалсан бүлээн усанд хийж хутгана. Энэ уусмалаараа хоолойгоо зайлах бөгөөд идээлсэн бол өдөрт 5-7 удаа, ямар ч эм хэрэглэлгүйгээр 2 өдрийн турш зайлна. Томчууд хэрэглэхэд тохиромжтой төдийгүй үр дүн сайтай ажээ.
...скачать dle 12.0

Сэтгэгдэл бичих

Сүүлийн мэдээ

Онигоо

Нууцалсан дугаараас залгаад “Тэнэг”...

Шинээр нэмэгдсэн

Ангилалууд

Фэйсбүүк

Follow us